பா.ஜனதா ஆர்ப்பாட்டம்

பா.ஜனதா கட்சி சார்பில் தாழையூத்து பஜாரில் நேற்று ஆர்ப்பாட்டம் நடந்தது. நெல்லை மாவட்ட தலைவர் தயாசங்கர் தலைமை தாங்கி, ஆர்ப்பாட்டத்தை தொடங்கி வைத்து பேசினார். கங்கைகொண்டான் சிப்காட் தொழிற்பேட்டை, நாங்குநேரி பொருளாதார மண்டலம் போன்றவற்றில் உள்ளூர் இளைஞர்களுக்கு வேலைவாய்ப்பு வழங்க வேண்டும் என்ற கோரிக்கையை வலியுறுத்தி இந்த ஆர்ப்பாட்டம் நடந்தது. ஆர்ப்பாட்டத்தில் மாவட்ட பொதுச்செயலாளர்கள் சுரேஷ், வேலுஆறுமுகம், மாவட்ட செயலாளர்கள் வெங்கடாச்சலபதி என்ற குட்டி, நாகராஜன் மற்றும் பா.ஜனதா நிர்வாகிகள் உள்பட பலர் கலந்து கொண்டனர்.