லாட்டரி சீட்டுகள் விற்ற வாலிபா் கைது

வாங்கல் போலீஸ் நிலையத்திற்குட்பட்ட பகுதிகளில் லாட்டரி சீட்டுகள் விற்பதாக ரகசிய தகவல் வந்தது. அதன்பேரில் சப்-இன்ஸ்பெக்டர் உதயகுமார் தலைமையிலான போலீசார் அப்பகுதியில் சோதனையில் ஈடுபட்டனர். அப்போது, புதுப்பாளையம் பகுதியில் லாட்டரி சீட்டுகள் விற்று கொண்டிருந்த வெங்கமேட்டை சேர்ந்த சண்முகத்தை (வயது 33) போலீசார் கைது செய்தனர். மேலும் அவர் விற்பனைக்காக வைத்திருந்த லாட்டரி சீட்டுகளும் பறிமுதல் செய்யப்பட்டன.