வீட்டு கதவை உடைத்து திருட்டு

சின்னசேலம்,

சின்னசேலம் ரெயில் நிலையம் செல்லும் சாலையை சேர்ந்தவர் அரவிந்தன் (வயது 56). சின்னசேலத்தில் எலக்ட்ரிக்கல் கடை நடத்தி வருகிறார். இவர் வீட்டை பூட்டிவிட்டு பெங்களூரில் உள்ள தனது மகள் வீட்டுக்கு குடும்பத்துடன் சென்றார். இதைநோட்ட மிட்ட மர்மநபர்கள், வீட்டு கதவை உடைத்து உள்ளே புகுந்தனர். பின்னர் அவர்கள் அங்கிருந்த பீரோவை உடைத்து அதில் இருந்த ரூ.65 ஆயிரத்தை திருடிச்சென்றனர். இது குறித்த புகாரின் பேரில் சின்னசேலம் சப்-இன்ஸ்பெக்டர் பாரதி தலைமையிலான போலீசார் வழக்குப்பதிவு செய்து மர்மநபர்களை வலைவீசி தேடி வருகின்றனர்.