வீட்டின் பூட்டை உடைத்து நகை, பணம் திருட்டு

அன்னதானப்பட்டி:-

சேலம் லைன்மேடு புது திருச்சி கிளை ரோடு பகுதியைச் சேர்ந்தவர் ரவிக்குமார். இவருடைய மனைவி அந்தோணியம்மாள் (வயது 44). இவர், அந்த பகுதியில் உள்ள கார்மெண்ட்ஸ் நிறுவனத்தில் வேலை செய்து வருகிறார். நேற்று முன்தினம் காலை வீட்டை பூட்டி விட்டு வழக்கம் போல வேலைக்கு சென்று விட்டார். மாலை வீடு திரும்பிய போது பூட்டு உடைக்கப்பட்டு கதவு திறந்து கிடந்ததை கண்டு அதிர்ச்சி அடைந்தார். தொடர்ந்து அவர், உள்ளே சென்று பார்த்த போது பொருட்கள் ஆங்காங்கே சிதறி கிடந்தன. பீரோவில் வைத்திருந்த அரை பவுன் தங்க நகைகள், ரூ.5 ஆயிரம், ஒரு செல்போன், ஒரு கியாஸ் சிலிண்டர் உள்ளிட்டவற்றை மர்ம நபர்கள் திருடி சென்றது தெரியவந்தது. இது குறித்த புகாரின் பேரில் அன்னதானப்பட்டி போலீசார் வழக்குப் பதிவு செய்து விசாரணை நடத்தி வருகின்றனர்.