மாட்டு வண்டி பந்தயம்

காரைக்குடி,

காரைக்குடி அருகே விநாயகர் சதுர்த்தியையொட்டி மாட்டு வண்டி பந்தயம் நடைபெற்றது.

மாட்டு வண்டி பந்தயம்

காரைக்குடி அருகே பெத்தாட்சி குடியிருப்பு கிராமத்தில் விநாயகர் சதுர்த்தி விழாவையொட்டி மாட்டு வண்டி பந்தயம் பெத்தாச்சிகுடியிருப்பு-ஏம்பல் சாலையில் நடைபெற்றது. இதில் மொத்தம் 18 வண்டிகள் கலந்துகொண்டன. பெரியமாட்டு வண்டி பந்தயம், சின்னமாட்டு வண்டி பந்தயம் என இருபிரிவாக போட்டி நடைபெற்றது. முதலில் நடைபெற்ற பெரியமாட்டு வண்டி பந்தயத்தில் 6 வண்டிகள் பங்கேற்றன.

இதில், முதல் பரிசை திருவாப்பாடி பெரியசாமி வண்டியும், 2-வது பரிசை வைரிவயல் வீரமுனியாண்டவர் மற்றும் பனம்பட்டி நரிவிழி அம்பாள் ஸ்டோர்ஸ் வண்டியும், 3-வது பரிசை வாள்ரமாணிக்கம் ஆனந்தபிரதர்ஸ் மற்றும் கானாடுகாத்தான் அருண் வண்டியும் பெற்றது.

பரிசுகள்

பின்னர் நடைபெற்ற சின்னமாட்டு வண்டி பந்தயத்தில் 12 வண்டிகள் கலந்துகொண்டன. இந்த போட்டியில் முதல் பரிசை ராதிகா மற்றும் செம்பவயல் சிவன்சக்தி வண்டியும், 2-வது பரிசை அரிமளம் மணி வண்டியும், 3-வது பரிசை பீர்க்கலைக்காடு பெரியசாமி வண்டியும் பெற்றது. போட்டிகளில் வெற்றி பெற்ற வண்டிகளின் உரிமையாளர்களுக்கு பரிசுகள் வழங்கப்பட்டன.