பஸ்- மோட்டார் சைக்கிள் மோதல்; வாலிபர் பலி

கடையநல்லூர்:

கடையநல்லூர் கிருஷ்ணாபுரம் திலகர் தெருவை சேர்ந்த சின்ன கல்யாணி மகன் சங்கர் (வயது 32). இவர் தனியார் காற்றாலை கம்பெனியில் வேலை பார்த்து வந்தார். நேற்று கடையநல்லூர் அருகே உள்ள குமந்தாபுரத்திற்கு சென்று விட்டு மதுரை- தென்காசி தேசிய நெடுஞ்சாலையில் மோட்டார் சைக்கிளில் கடையநல்லூரை நோக்கி திரும்பி வந்து கொண்டிருந்தார்.

அப்போது அந்த வழியாக வந்த அரசு பஸ், மோட்டார் சைக்கிள் மீது மோதியதில் சங்கர் தூக்கி வீசப்பட்டு சம்பவ இடத்திலேயே பரிதாபமாக இறந்தார்.

தகவல் அறிந்ததும் கடையநல்லூர் போலீசார் சம்பவ இடத்திற்கு விரைந்து வந்தனர். சங்கரின் உடலை கைப்பற்றி பிரேத பரிசோதனைக்காக கடையநல்லூர் அரசு ஆஸ்பத்திரிக்கு அனுப்பி வைத்தனர்.

மேலும் இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.