பஸ் படிக்கட்டு பயணம் தவிர்க்கப்படுமா?

அரசு மற்றும் தனியார் பஸ்களில் படிக்கட்டுகளில் பயணம் செய்வதை தவிர்க்க வேண்டும் என போலீசாரும், வட்டார போக்குவரத்து துறையினரும் பல்வேறு நிலைகளில் வலியுறுத்தி வருகின்றனர். இந்த நிலையில் இது தொடர்பாக சாலை பாதுகாப்பு குழுவினர் கல்வி நிறுவனங்களில் விழிப்புணர்வு நிகழ்ச்சியும் நடத்தி வருகின்றனர். ஆனாலும் இதையும் மீறி மாணவர்கள் பஸ் படிக்கட்டுகளில் தொங்கிக்கொண்டு பயணம் செய்யும் நிலை தொடர்கிறது. இதனைத்தவிர்க்க அதிகாரிகள் நடவடிக்கை எடுப்பது ஒரு புறம் இருந்தாலும் மாணவர்கள் அவர்களாகவே இது ஆபத்தான பயணம் என்பதை உணர்ந்து இதனை தவிர்க்க வேண்டும் என வலியுறுத்தப்பட்டுள்ளது.