புற்றுநோய் விழிப்புணர்வு கருத்தரங்கம்

ஆலங்குளம்:

நெல்லை அருகே சீதபற்பநல்லூர் ஐன்ஸ்டீன் பொறியியல் கல்லூரியில் நாட்டு நலப்பணி திட்டம் சார்பில், புற்றுநோய் விழிப்புணர்வு கருத்தரங்கம் நடந்தது. கல்லூரி நிர்வாக அறங்காவலர் மதிவாணன் தலைமை தாங்கினார். கல்லூரி முதல்வர் வேலாயுதம் முன்னிலை வகித்தார். நாட்டு நலப்பணி திட்ட அலுவலர் சுரேஷ் வரவேற்று பேசினார்.

நெல்லை கேன்சர் கேர் சென்டர் டாக்டர் அபிராமி சிறப்பு விருந்தினராக கலந்து கொண்டு, புற்றுநோய் எப்படி உருவாகிறது, புற்றுநோயால் ஏற்படும் பாதிப்புகள், அதற்கான மருத்துவ முறைகள் குறித்து பேசினார். மாணவர்களின் உடல் ஆரோக்கியம் மற்றும் விளையாட்டின் முக்கியத்துவம் குறித்து நிர்வாக அறங்காவலர் மதிவாணன் விரிவாக எடுத்துரைத்தார். கருத்தரங்கில் கல்லூரி மாணவ-மாணவிகள், பேராசிரியர்கள், அலுவலக ஊழியர்கள் கலந்து கொண்டனர்.