காடை வளர்ப்பு தொழில் முனைவோருக்கு திறன் வளர்க்கும் பயிற்சி

நாகையில் தமிழ்நாடு கால்நடை மருத்துவ அறிவியல் பல்கலைக்கழக பயிற்சி மற்றும் ஆராய்ச்சி மையத்தில், இந்திய வேளாண்மை ஆராய்ச்சி கழகத்தின் நிதி உதவியுடன், அறிவியல் முறையில் காடை வளர்ப்பு மற்றும் காடைக்குஞ்சுகள் உற்பத்தியில், தொழில் முனைவோருக்கான திறன் வளர்க்கும் பயிற்சி நடந்தது. பயிற்சிக்கு கால்நடை மருத்துவ பல்கலைக்கழக விரிவாக்க கல்வி இயக்குனர்அப்பாராவ் தலைமை தாங்கி பேசினார். அப்போது அவர் கூறியதாவது,

காடை வளர்க்கும் தொழில் முனைவோருக்கு தொடர்ந்து இந்த மையம் மூலம் தொழில்நுட்ப ஆலோசனைகள் வழங்கப்படும் என்றார். பயிற்சியில் கலந்து கொண்ட 30 பண்ணையாளர்களுக்கு காடை குஞ்சுகள், காடை தீவனம், காடை வளர்ப்பிற்கான முதலுதவி பெட்டகம் ஆகியவை வழங்கப்பட்டது. நிகழ்ச்சியில், நாகை கால்நடை மருத்துவ பல்கலைக்கழக பயிற்சி மற்றும் ஆராய்ச்சி மைய தலைவர் டாக்டர் சுரேஷ், நாகை மாவட்ட கால்நடை பராமரிப்புத் துறை மண்டல இணை இயக்குனர் விஜயகுமார், நாகை மாவட்ட நபார்டு வங்கி வளர்ச்சி மேலாளர் விஸ்வந்த் கண்ணா ஆகியோர் கலந்து கொண்டனர்.