செஞ்சி அருகேஅரசு பஸ் மீது கார் மோதல்; 5 பேர் காயம்

செஞ்சி,

செஞ்சியில் இருந்து திருவண்ணாமலை நோக்கி அரசு பஸ் புறப்பட்டது. பஸ் கடலாடி குளம் கூட்டுரோடு அருகே சென்ற போது, எதிரே திருவண்ணாமலையில் இருந்து செஞ்சி நோக்கி கார் எதிர்பாரதவிதமாக பஸ் மீது மோதியது. இதில் பஸ்சில் பயணம் செய்த புதுச்சேரி மாநிலம் சுத்திக்கேணி பகுதியை சேர்ந்த சிவபெருமான் மகன் கல்விக்கரசன் (வயது 26), ஆதிலட்சுமி (50), அன்பரசன் மகன் தனியரசன் (30), மண்ணாங்கட்டி மகன் செல்வகுமார் (43), இவரது மனைவி கவுசல்யா (35) ஆகியோர் படுகாயம் அடைந்தனர். இவர்கள் அனைவரும் சிகிச்சைக்காக திருவண்ணாமலை அரசு மருத்துவமனையில் சேர்க்கப்பட்டனர். அங்கு அவர்களுக்கு டாக்டர்கள் உரிய சிகிச்சை அளித்து வருகின்றனர். விபத்து குறித்து நல்லாண் பிள்ளை பெற்றால் போலீசார் வழக்குப்பதிவு செய்து விசாரணை நடத்தி வருகின்றனர்.