கார்- லாரி மோதல்; சிறுவன் பலி

மத்தூர்:-

கர்நாடக மாநிலம் பெங்களூருவை சேர்ந்தவர் அருண்குமார் (வயது 36). தனியார் நிறுவன ஊழியர். இவர், காரில் நேற்று முன்தினம் அதிகாலை கிருஷ்ணகிரி - திருவண்ணாமலை சாலையில் மத்தூர் அருகே வந்து கொண்டிருந்தார். காரில் அவருடன் மகன் நித்தியன் (15) அமர்ந்திருந்தான். அந்த வழியாக வந்த லாரியும், காரும் மோதிக்கொண்டதாக கூறப்படுகிறது. இதில் நித்தியன் சம்பவ இடத்தில் பலியானார். விபத்து குறித்து தகவல் அறிந்த மத்தூர் போலீசார் சம்பவ இடத்துக்கு விரைந்து சென்றனர். இறந்த நித்தியன் உடலை மீட்டு பிரேத பரிசோதனைக்கு போச்சம்பள்ளி அரசு ஆஸ்பத்திரிக்கு அனுப்பி வைத்தனர். விபத்து குறித்து மத்தூர் போலீசார் வழக்குப்பதிவு செய்து விசாரணை நடத்தினர்.