வேப்பனப்பள்ளி அருகே கந்துவட்டி கேட்டு மிரட்டியவர் மீது

வேப்பனப்பள்ளி:

வேப்பனப்பள்ளி அருகே உள்ள சின்ன பத்தளப்பள்ளி கிராமத்தை சேர்ந்தவர் வெங்கட்டராஜன் (வயது 62). இவர், தீர்த்தம் கிராமத்தை சேர்ந்த ராஜீண்ணா என்பவரிடம் கடந்த 2013-ம் ஆண்டு நிலத்தை அடமானம் வைத்து ரூ.50 ஆயிரம் வாங்கியதாக கூறப்படுகிறது. இதையடுத்து அவர் மாதம் தோறும் ரூ.12 ஆயிரம் வட்டி செலுத்தி வந்துள்ளார். கடந்த 4 வருடங்களாக வெங்கட்டராஜன் பணம் கொடுக்காமல் இருந்துள்ளார். இதையடுத்து ராஜீண்ணா ரூ.10 லட்சம் கேட்டு வெங்கட்டராஜனை மிரட்டியதாக கூறப்படுகிறது. இதுகுறித்து அவர் வேப்பனப்பள்ளி போலீஸ் நிலையத்தில் புகார் செய்தார். இதையடுத்து ராஜீண்ணா மீது கந்து வட்டி கேட்டு மிரட்டியதாக போலீசார் வழக்குப்பதிவு செய்து விசாரணை நடத்தி வருகின்றனர்.