பெண்ணை தாக்கிய 3 பேர் மீது வழக்கு

தேனி அருகே உள்ள பழனிசெட்டிபட்டி சுப்பிரமணிய சிவா தெருவை சேர்ந்த நாகராஜ் மனைவி செல்லம்மாள் (வயது 36). இவரும் அதே பகுதியில் வசிக்கும் செல்லபாண்டி மனைவி ஷீலாவும் (36) உறவினர்கள். செல்லம்மாள் குறித்து ஷீலா அவதூறாக பேசியதாக கூறப்படுகிறது. அதுகுறித்து கேட்டபோது அவரை இரும்பு கம்பியால் ஷீலா தாக்கினார். இதில் காயம் அடைந்த செல்லம்மாள் தேனி அரசு மருத்துவ கல்லூரி ஆஸ்பத்திரியில் சிகிச்சைக்காக சேர்க்கப்பட்டார்.

இதுகுறித்து பழனிசெட்டிபட்டி போலீஸ் நிலையத்தில் அவர் புகார் கொடுத்தார். அதில், அதே பகுதியை சேர்ந்த செல்வேந்திரன், லட்சுமி ஆகியோரின் தூண்டுதலின் பேரில் ஷீலா தாக்கியதாக கூறியிருந்தார். அதன்பேரில் ஷீலா, செல்வேந்திரன், லட்சுமி ஆகிய 3 பேர் மீது போலீசார் வழக்குப்பதிவு செய்து விசாரணை நடத்தி வருகின்றனர்.