ஆட்டோ டிரைவரை தாக்கிய 5 பேர் மீது வழக்கு

குளித்தலை அருகே உள்ள ஆலமரத்துப்பட்டி பகுதியை சேர்ந்தவர் நந்தகுமார் (வயது 21). ஆட்டோ டிரைவர். இவர் சம்பவத்தன்று இரும்பூதிபட்டியில் இருந்து தனது வீட்டிற்கு சென்று கொண்டிருந்தார். அப்போது அதே ஊரை சேர்ந்த சிவா (36), சவுந்தரபாண்டியன் (47), கருணாநிதி (60), கோபி (32), மணிகண்டன் (27) ஆகிய 5 பேர் நந்தகுமாரை வழிமறித்து பிரச்சினை செய்துள்ளனர். பின்னர் நந்தகுமார் வீட்டிற்கு சென்ற அந்த 5 பேரும் அவரை தாக்கி அவரது வீட்டின் ஓட்டை உடைத்துள்ளனர். இதில் காயமடைந்த நந்தகுமார் குளித்தலை அரசு மருத்துவமனையில் அனுமதிக்கப்பட்டார். இதுகுறித்து நந்தகுமார் கொடுத்த புகாரின்பேரில், குளித்தலை போலீசார் சிவா, சவுந்தரபாண்டியன், கருணாநிதி, கோபி, மணிகண்டன் ஆகிய 5 பேர் மீது வழக்குப்பதிந்து விசாரணை நடத்தி வருகின்றனர்.