செல்போன் திருடிய 2 பேர் கைது

திருச்சி டவுன்ஸ்டேஷன்ரோடு ரெங்கநாதன் தோப்பு பகுதியை சேர்ந்தவர் முரளி (வயது 47). இவர் சம்பவத்தன்று ராமகிருஷ்ணா பாலம் அருகே தனது சைக்கிளை நிறுத்திவிட்டு நின்று கொண்டு இருந்தார். அப்போது அங்கு வந்த 2 பேர் அவரிடம் இருந்து செல்போனை திருடி கொண்டு தப்பி ஓடினர். இது குறித்த புகாரின்பேரில் காந்திமார்க்கெட் போலீசார் வழக்குப்பதிவு செய்து, செல்போன் திருடியதாக இ.பி.ரோடு பகுதியை சேர்ந்த குணசீலன் (22), தாராநல்லூரை சேர்ந்த சீனிவாசன் (28) ஆகியோரை கைது செய்தனர்.