ராமேசுவரம் கோவிலில் இன்று தேரோட்டம்

ராமேசுவரம்,

ஆடி திருக்கல்யாண திருவிழாவையொட்டி ராமேசுவரம் கோவிலில் இன்று(ஞாயிற்றுக்கிழமை) தேேராட்டம் நடக்கிறது.

தங்க பல்லக்கில்...

ராமேசுவரம் கோவிலில் இந்த ஆண்டு ஆடி திருக்கல்யாண திருவிழா கடந்த 23-ந்தேதி அன்று கொடியேற்றத்துடன் தொடங்கி நடைபெற்று வருகின்றது. ஒவ்வொரு நாளும் தினசரி ஒரு வாகனத்தில் அம்பாள் எழுந்தருளி திருவீதி உலா வருகிறார். நேற்று முன்தினம் இரவு வெள்ளி தேரோட்டம் நடைபெற்றது.

இந்த நிலையில் ஆடி திருக்கல்யாண திருவிழாவில் 8-வது நாளான நேற்று காலை அம்பாள் தங்க பல்லக்கில் எழுந்தருளி வீதி உலா வந்தார்.தொடர்ந்து மாலை 5 மணிக்கு கோவிலில் இருந்து தங்க குதிரை வாகனத்தில் எழுந்தருளி நடுத்தெருவிலுள்ள மண்டகப்படிக்கு எழுந்தருளினார். அங்கு சிறப்பு பூஜை நடைபெற்று இரவு மீண்டும் அங்கிருந்து புறப்படாகி இரவு 9 மணிக்கு கோவிலுக்கு அம்பாள் சென்றடைந்தார்.

தேரோட்டம்

திருவிழாவின் 9-வது நாளான இன்று(ஞாயிற்றுக்கிழமை) காலை 10 மணி அளவில் அம்பாள் தேரோட்டம் நடைபெறுகின்றது. திருவிழாவில் நாளை மறுநாள்(2-ந்தேதி) அன்று சுவாமி-அம்பாள் மாலை மாற்றுதல் நிகழ்ச்சியும் 3-ந் தேதி அன்று இரவு சாமி-அம்பாள் திருக்கல்யாண நிகழ்ச்சியும் நடைபெறுகின்றது.

விழாவிற்கான ஏற்பாடுகளை கோவில் நிர்வாகத்தினர் செய்து வருகிறார்கள்.