சில்லடி கடற்கரையில் தூய்மை பணி

நாகூர்:

நாகை நகராட்சி நிர்வாகம் மற்றும் குடிநீர் வழங்கல் துறை சார்பில் நாகூர் சில்லடி கடற்கரையில் தூய்மை பணி நடைபெற்றது. நாகை நகராட்சி துணைத்தலைவர் செந்தில்குமார் தூய்மைப்பணியை தொடங்கி வைத்தார். கடற்கரையில் வீசப்பட்டிருந்த நெகிழி கழிவுகள் மற்றும் குப்பைகளை தன்னார்வ அமைப்பினர், நகராட்சி தூய்மைப் பணியாளர்கள், சுற்றுலா பயணிகள் மற்றும் பல்வேறு அமைப்பினர் சேகரித்து அகற்றினர். தொடர்ந்து என் குப்பை, என் பொறுப்பு, குப்பை களை தரம் பிரிப்போம், மறு சுழற்சியை மேம்படுத்துவோம் என உறுதிமொழி ஏற்கப்பட்டது. இதில் நகராட்சி பொறியாளர் விஜய் கார்த்திக், தேசிய பசுமைப்படை நாகை மாவட்ட ஒருங்கிணைப்பாளர் முத்தமிழ் ஆனந்தன் மற்றும் சமூக ஆர்வலர் சீத்திக் ஆகியோர் கலந்து கொண்டனர்.