பணம் வைத்து சேவல் சண்டை; 4 பேர் கைது

மேலூர்

மேலூர் அருகே உள்ள கிடாரிப்பட்டியில் சிலர் பணம் வைத்து சேவல் சண்டை சூதாட்டம் நடத்துவதாக மேலூர் போலீசாருக்கு தகவல் கிடைத்தது.

அதன்பேரில் போலீசார் அங்கு சென்று சேவல் சண்டை நடத்திய முத்துக்குழந்தை (வயது 42), காஞ்சிவனம் (36), குகன் (24), பாலமுருகன் (37) ஆகியோரை போலீசார் கைது செய்தனர். அவர்களிடமிருந்து ரூ.4 ஆயிரத்து 200 மற்றும் 5 மோட்டார் சைக்கிள்கள் பறிமுதல் செய்யப்பட்டது.