பரமத்திவேலூரில் ரூ.1¼ லட்சத்துக்கு தேங்காய் ஏலம்

பரமத்திவேலூர்

பரமத்திவேலூரில் செயல்பட்டு வரும் மின்னணு தேசிய வேளாண்மை சந்தையில் செவ்வாய்க்கிழமை தோறும் தேங்காய் மறைமுக ஏலம் நடைபெற்று வருகிறது. கடந்த வாரம் நடைபெற்ற ஏலத்திற்கு 8 ஆயிரத்து 527 கிலோ தேங்காய்களை விவசாயிகள் கொண்டு வந்திருந்தனர். இதில் அதிகபட்சமாக கிலோ ரூ.21.50 -க்கும், குறைந்தபட்சமாக ரூ.13.20-க்கும், சராசரியாக ரூ.16.89-க்கும் ஏலம் போனது. மொத்தம் ரூ.1 லட்சத்து 50 ஆயிரத்து 600-க்கு வர்த்தகம் நடைபெற்றது. நேற்று நடைபெற்ற ஏலத்திற்கு 7 ஆயிரத்து 425 கிலோ தேங்காய்களை விவசாயிகள் கொண்டு வந்திருந்தனர். இதில் அதிகபட்சமாக கிலோ ஒன்று ரூ.18.69-க்கும், குறைந்தபட்சமாக ரூ.13.20-க்கும், சராசரியாக ரூ.16.14-க்கும் ஏலம் போனது. மொத்தம் ரூ.1 லட்சத்து 26 ஆயிரத்து 94-க்கு வர்த்தகம் நடைபெற்றது.