சுசீந்திரம் தாணுமாலய சாமி கோவிலில் அன்னதான உண்டியல் மூலம் ரூ.76 ஆயிரம் வசூல்

சுசீந்திரம்:

சுசீந்திரம் தாணுமாலயசாமி கோவிலுக்கு தினமும் ஆயிரக்கணக்கான உள்நாட்டு மற்றும் வெளிநாட்டு சுற்றுலா பயணிகளும், பக்தர்களும் வந்து சாமி தரிசனம் செய்துவிட்டு செல்கின்றனர். மேலும் மதிய வேளையில் வருகின்ற பக்தர்களுக்கு அன்னதானம் வழங்கும் வகையில் தமிழக அரசு அன்னதான திட்டத்தை செயல்படுத்தி வருகிறது. இதற்காக கோவில் நிர்வாகம் சார்பில் கோவில் முன்பு அன்னதான உண்டியல் ஒன்றும் வைக்கப்பட்டு உள்ளது. இந்த அன்னதான உண்டியல் மாதம் தோறும் திறந்து எண்ணப்படுவது வழக்கம்.

அதேபோல் நேற்று அன்னதான உண்டியல் எண்ணும் பணி கோவில் மேலாளர் ஆறுமுகதரன் தலைமையிலும், ஆய்வாளர் ராமலட்சுமி, கணக்கர் கண்ணன் ஆகியோர் முன்னிலையிலும் நடந்தது. கோவில் பணியாளர்கள் உண்டியல் பணத்தை எண்ணும் பணியில் ஈடுபட்டனர். உண்டியல் மூலம் ரூ.76 ஆயிரத்து 708 வசூலாகி இருந்ததாக திருக்கோவில் நிர்வாகம் சார்பில் தெரிவிக்கப்பட்டது.

---