சுசீந்திரம் தாணுமாலயசாமி கோவிலில் அன்னதான உண்டியல் மூலம் ரூ.88 ஆயிரம் வசூல்

சுசீந்திரம்:

சுசீந்திரம் தாணுமாலயசாமி கோவிலில் அன்னதான உண்டியல் மூலம் ரூ.88 ஆயிரம் வசூலானaது.

குமரி மாவட்டத்தில் உள்ள பிரசித்தி பெற்ற கோவிலான சுசீந்திரம் தாணுமாலயசாமி கோவிலுக்கு தினமும் ஆயிரக்கணக்கான உள்நாட்டு மற்றும் வெளிநாட்டு சுற்றுலா பயணிகள், பக்தர்கள் வந்து சாமி தரிசனம் செய்து விட்டு செல்கின்றனர். அவ்வாறு வருகின்ற பக்தர்களுக்கு மதிய வேளையில் அன்னதானம் வழங்கும் வகையில் தமிழக அரசு அன்னதான திட்டத்தை தொடங்கி செயல்படுத்தி வருகிறது.

மேலும் கோவில் நிர்வாகம் சார்பில் பக்தர்கள் நேர்த்திக்கடன் செலுத்தும் வகையில் கோவில் முகப்பில் அன்னதான உண்டியல் வைக்கப்பட்டுள்ளது.

இந்த அன்னதான உண்டியல் மாதந்தோறும் திறந்து எண்ணப்படுவது வழக்கம். அது போல் நேற்று அன்னதான உண்டியல் திறந்து எண்ணப்பட்டது. இதில் கோவில் மேலாளர் ஆறுமுகதரன் தலைமையில் ஆய்வாளர் ராமலட்சுமி மற்றும் கோவில் பணியாளர்கள் உண்டியல் எண்ணும் பணியில் ஈடுபட்டனர். இதில் வருமானமாக ரூ.88 ஆயிரத்து 142 வசூலானது.