தூக்குப்போட்டு கல்லூரி மாணவர் தற்கொலை

மதுக்கூர்:

மதுக்கூர் அருகே உள்ள பெரியக்கோட்டை தெற்கு தெருவை சேர்ந்தவர் விசுவநாதன். இவருடைய மகன் ரவிச்சந்திரன் (வயது17). மதுக்கூர் செட்டித்தெருவில் வாடகை வீட்டில் தாய் மற்றும் சகோதரருடன் வசித்து வந்தார். பட்டுக்கோட்டையில் உள்ள தனியார் கலை கல்லூரியில் 2-ம் ஆண்டு படித்து வந்தார். சம்பவத்தன்று ரவிச்சந்திரனிடம் அவருடைய தாயார் ராணி, செல்போன் பார்த்துக்கொண்டே இருப்பதாக கூறி திட்டியதாக கூறப்படுகிறது. இதன் காரணமாக மன வேதனை அடைந்த அவர் வீட்டு சமையல் அறையில் தூக்குப்போட்டு கொண்டார். அவரை அக்கம் பக்கத்தினர் மீட்டு பட்டுக்கோட்டை அரசு ஆஸ்பத்திரிக்கு கொண்டு சென்றனர். அங்கு அவரை பரிசோதித்த டாக்டர்கள் அவர் ஏற்கனவே இறந்து விட்டதாக கூறினர். இதுகுறித்து மதுக்கூர் போலீசார் வழக்குப்பதிவு செய்து விசாரித்து வருகிறார்கள்.