ரெயில் முன் பாய்ந்து கல்லூரி மாணவர் தற்கொலை

அரியலூர் மாவட்டம், செந்துறை அருகே உள்ள சொக்கநாதபுரம் காலனி தெருவைச் சேர்ந்தவர் மாணிக்கம் மகன் ராஜரத்தினம்(வயது 19). இவர் அரியலூர் அரசு கலைக் கல்லூரியில் முதலாம் ஆண்டு படித்து வந்தார். இந்த நிலையில் நேற்று மாலை சென்னையிலிருந்து மதுரை செல்லும் வைகை எக்ஸ்பிரஸ் ரெயில் முன் பாய்ந்தார். இதில் ராஜரத்தினம் உடல் துண்டு துண்டாகி சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்த விருத்தாச்சலம் ரெயில்வே போலீசார் சம்பவ இடத்திற்கு வந்து உடலை கைப்பற்றி பிரேத பரிசோதனைக்காக அரியலூர் அரசு மருத்துவக் கல்லூரி மருத்துவமனைக்கு அனுப்பி வைத்தனர். மேலும் கல்லூரி மாணவர் காதல் தோல்வியால் தற்கொலை செய்து கொண்டாரா? அல்லது வேறு ஏதேனும் காரணம் உள்ளதா? என ரெயில்வே போலீசார் விசாரணை நடத்தி வருகின்றனர்.