மோட்டார் சைக்கிள்கள் மோதல்; முதியவர் பலி

ஸ்ரீவில்லிபுத்தூர்,

ஸ்ரீவில்லிபுத்தூர் அருகே உள்ள கம்மாபட்டியை சேர்ந்தவர் இருளாண்டி (வயது 72). இவர் தனது மோட்டார் சைக்கிளில் சிவகாசி ரோட்டில் சென்று கொண்டிருந்தார். அப்போது மற்றொரு மோட்டார் சைக்கிளில் மோதியதில் இவர் கீழே விழுந்தார். இதில் படுகாயம் அடைந்த இருளாண்டியை அருகில் இருந்தவர்கள் மீட்டு சிகிச்சைக்காக ஸ்ரீவில்லிபுத்தூர் அரசு மருத்துவமனைக்கு கொண்டு சென்றனர். மருத்துவமனைக்கு செல்லும் வழியிலேயே அவர் பரிதாபமாக இறந்தார். இதுகுறித்து மல்லி போலீசார் வழக்குப்பதிவு செய்து விசாரணை நடத்தி வருகிறார்கள்.