சமுதாய வளைகாப்பு விழா

வெளிப்பாளையம்:

ஒருங்கிணைந்த குழந்தை வளர்ச்சித் திட்டத்தின் சார்பில் நாகையில் சமுதாய வளைகாப்பு விழா நடந்தது. ஒருங்கிணைந்த குழந்தை வளர்ச்சி திட்ட அலுவலர் தமிமுன்னிசா வரவேற்றார். விழாவில் கர்ப்பிணிகளுக்கு மலர்மாலை, வளையல்கள் அணிவித்து சந்தனம், குங்குமம் தடவி நலுங்கு வைத்து வெற்றிலை, பாக்கு, பழங்கள் வழங்கி சுகப்பிரசவம் வேண்டி ஆரத்தி எடுக்கப்பட்டது. மேலும் கர்ப்பகால பராமரிப்பு குறித்த கையேடு வழங்கப்பட்டது. இதை தொடர்ந்து 5 வகையான மதிய உணவும் கர்ப்பிணிகளுக்கு வழங்கப்பட்டது. அனைத்து கர்ப்பிணிகளுக்கும் சீர்வரிசை தட்டு வழங்கப்பட்டது. இதில் மாவட்ட வருவாய் அலுவலர் ஷகிலா, துணை இயக்குனர் (சுகாதாரப் பணிகள்) செந்தில்குமார், வடுகச்சேரி வட்டார மருத்துவ அலுவலர் பிரியதர்ஷினி மற்றும் பலர் கலந்து கொண்டனர்.