புகார் பெட்டி

ஆபத்தான பயணிகள் நிழற்குடை

கரூர் மாவட்டம், வேலாயுதம்பாளையம் ஹைஸ்கூல் மேடு பகுதியில் பஸ்நிறுத்த நிழற்குடை ஒன்று உள்ளது. தற்போது நிழற்குடையின் மேல்பகுதியில் சிமெண்டு பூச்சுகள் உதிர்ந்து எப்போது வேண்டுமானாலும் கீழே விழும் நிலையில் ஆபத்தாக உள்ளது. இதனால் பள்ளி மாணவ-மாணவிகள், பொதுமக்கள் கடும் அவதி அடைந்து வருகின்றனர். எனவே சம்பந்தப்பட்ட அதிகாரிகள் இதுகுறித்து நடவடிக்கை எடுக்க வேண்டும் என கேட்டுக் கொள்கிறோம்.

மித்திரன் ராதா, வேலாயுதம்பாளையம், கரூர்.

நாய்கள் தொல்லை

கரூர் மாவட்டம், குளித்தலை நகராட்சி பகுதிகளில் பல்வேறு இடங்களில் பகல் மற்றும் இரவு நேரங்களில் கூட்டம், கூட்டமாக தெருநாய்கள் சுற்றித்திரிகிறது. இந்தநிலையில் சாலையில் செல்லும் சிறுவர்கள் மற்றும் பெரியவர்கள் வரை பின்னால் துரத்தி சென்று கடிக்க பாய்கிறது. மேலும் சாலைகளின் குறுக்கே நாய்கள் ஓடி செல்வதால் அடிக்கடி விபத்து ஏற்பட்டு வருகிறது. எனவே சம்பந்தப்பட்ட நகராட்சி அதிகாரிகள் தெருநாய்களை பிடித்து செல்ல நடவடிக்கை எடுக்க வேண்டும்.

பொதுமக்கள், குளித்தலை, கரூர்.