புகார் பெட்டி

சுகாதார சீர்கேடு

சிவகங்கை மாவட்டம் சிங்கம்புணரியில் பெரிய கடை வீதியின் மேற்குபுறம் அமைந்துள்ள கழிவுநீர் கால்வாயில் அடைப்பு ஏற்பட்டு கழிவுநீர் செல்ல வழியின்றி தேங்கி நிற்கிறது. இதனால் இப்பகுதி முழுவதும் துர்நாற்றம் வீசுவதோடு சுகாதார சீர்கேடு நிலவுகிறது. எனவே கழிவுநீர் கால்வாயினை சீரமைக்க அதிகாரிகள் நடவடிக்கை எடுக்க வேண்டும்.

ஜாபர் அலி, சிங்கம்புணரி.

கூடுதல் பஸ்கள் இயக்கப்படுமா?

சிவகங்கை மாவட்டம் திருப்புவனத்தில் இருந்து மதுரை பெரியார் பஸ் நிலையத்திற்கு மதிய வேளையில் குறைந்த அளவிலேயே பஸ்கள் இயக்கப்படுகின்றன. மேலும் இயக்கப்படும் பஸ்களில் கூட்டம் அலைமோதுகிறது. இதனால் பயணிகள் பலர் அடுத்த பஸ் வரும் வரை நீண்ட நேரம் காத்திருந்து பயணிக்க வேண்டிய நிலை ஏற்பட்டுள்ளது.எனவே இந்த பகுதிகளுக்கு கூடுதல் பஸ்கள் இயக்க அதிகாரிகள் நடவடிக்கை எடுக்க வேண்டும்.

வினோத்குமார், திருப்புவனம்.

நாய்கள் தொல்லை

சிவகங்கை மாவட்டம் இளையான்குடியில் நாளுக்கு நாள் தெருநாய்கள் தொல்லை அதிகரித்து வருகிறது. நாய்க்கடியால் தினமும் பலர் பாதிக்கப்படுகின்றனர். நாய்கள் தொல்லையால் தெருவில் செல்லவே பொதுமக்கள் அச்சம் அடைகின்றனர். எனவே தெருநாய்கள் தொல்லையை கட்டுப்படுத்த வேண்டும்.

பொதுமக்கள், இளையான்குடி.

மாணவர்கள் அவதி

சிவகங்கை நகரில் உள்ள கல்லூரிகளில் படிக்க சுற்று வட்டார பகுதிகளை சேர்ந்த ஏராளமான மாணவ, மாணவிகள் வருகின்றனர். அதே போல தினமும் அரசு அலுவலர்கள், பொதுமக்கள் பல்வேறு வேலைகளுக்காக சிவகங்கைக்கு வந்து செல்கின்றனர். ஆனால் காலை மற்றும் மாலை நேரங்களில் போதிய பஸ் வசதி இல்லாததால் மாணவ, மாணவிகளும், பொதுமக்களும் உரிய நேரத்திற்கு செல்ல முடியாமல் அவதியடைகின்றனர். எனவே, காலை மற்றும் மாலை நேரத்தில் கூடுதல் பஸ்களை இயக்க நடவடிக்கை எடுக்க வேண்டும்.

மோகன்ராஜ், சிவகங்கை.

சேதமடைந்த சாலை

சிவகங்கை மாவட்டம் காரைக்குடி நகரில் சில இடங்களில் சாலைகள் ஆங்காங்கே சேதமடைந்து காணப்படுகிறது. மழைக்காலங்களில் இந்த சாலைகளில் தண்ணீர் தேங்கி சுகாதார சீர்கேடு ஏற்படுகிறது. இந்த சாலையில் செல்லும் போது வாகனங்களும் பழுதாகி விடுகிறது. சாலையை சரிசெய்ய அதிகாரிகள் உரிய நடவடிக்கை எடுக்க வேண்டும்.

முத்துகிருஷ்ணன், காரைக்குடி.