புகார் பெட்டி

தினத்தந்தி புகார் பெட்டிக்கு 8939078888 என்ற வாட்ஸ்- அப் எண்ணில் வந்துள்ள மக்கள் குறைகள் தொடர்பான பதிவுகள் வருமாறு:-

ஆக்கிரமிப்பு அகற்றப்படுமா?

மதுரை மாவட்டம் பழங்காநத்தம் 70-வது வார்டில் பொதுமயானத்திற்கு செல்லும் பாதை ஆக்கிரமிப்பு செய்யப்பட்டுள்ளது. இதனால் இந்த பகுதி பொதுமக்கள் மிகவும் சிரமப்படுகிறார்கள். எனவே இப்பகுதி ஆக்கிரமிப்பை அகற்ற நடவடிக்கை எடுக்க வேண்டும்.

கல்யாண்குமார், பழங்காநத்தம்.

நாய்கள் தொல்லை

மதுரை மாவட்டம் திருமங்கலம் அருகே பசும்பொன் நகரில் நாய்கள் தொல்லை அதிக அளவில் உள்ளது. இதனால் இந்தப்பகுதியில் பொதுமக்கள் நடமாட அச்சப்படுகின்றனர். மேலும் இவை சாலையில் செல்லும் வாகனங்களை துரத்துகின்றன. இதனால் வாகனஓட்டிகள் விபத்தில் சிக்கும் அபாயத்தில் உள்ளனர். எனவே சம்பந்தப்பட்ட அதிகாரிகள் உரிய நடவடிக்கை எடுத்து இங்கு சுற்றித்திரியும் நாய்களை பிடித்து அப்புறப்படுத்த வேண்டும்.

மூர்த்தி, பசும்பொன்நகர், மதுரை

போக்குவரத்து நெரிசல்

மதுரை மாவட்டம் தெற்குமாரட்வீதியில் ஆக்கிரமிப்புகள் அதிக அளவில் உள்ளன. இதனால் இந்த சாலையில் வாகனங்கள் செல்லமுடியாமல் அடிக்கடி போக்குவரத்து நெரிசல் ஏற்படுகிறது. எனவே சம்பந்தப்பட்ட அதிகாரிகள் இப்பகுதியில் உள்ள ஆக்கிரமிப்புகளை அகற்றி போக்குவரத்து நெரிசலை கட்டுப்படுத்த வேண்டும்.

அசோக்குமார், மதுரை.

நடவடிக்கை தேவை

மதுரை மாவட்டம் நிலையூர் அருகே கைத்தறி நகரில் தெருநாய்கள் அதிக அளவில் நடமாடுகிறது. இதனால் இந்த சாலையில் பொதுமக்கள், குழந்தைகள் நடமாட அச்சப்படுகின்றனர். மேலும் இரவு நேரங்களில் இந்த தெருவில் செல்லும் வாகனங்களை துரத்தி செல்கிறது. இதனால் வாகனஓட்டிகள் விபத்தில் சிக்கும் அபாயமும் நிலவுகிறது. எனவே சம்பந்தப்பட்ட அதிகாரிகள் இப்பகுதியில் சுற்றித்திரியும் நாய்களை பிடித்து அப்புறப்படுத்த நடவடிக்கை எடுக்க வேண்டும்.

குமரன், நிலையூர்.

குப்பைகளை எரிப்பதால் சுகாதார கேடு

மதுரை மாவட்டம் கள்ளிக்குடி அருகே கல்லணை பகுதியில் குப்பைகள் சாலையோரத்தில் அதிக அளவில் கொட்டப்படுகிறது. மேலும் இதனை இரவு நேரங்களில் சிலர் தீயிட்டு எரிப்பதால் இப்பகுதி முழுவதும் புகை மூட்டமாக காணப்படுகிறது. இதனால் விபத்து அபாயமும், மக்களுக்கு சுவாச கோளாறும் ஏற்படும் வாய்ப்பு உள்ளது. எனவே இந்தப்பகுதியில் குப்பைகள் கொட்டப்படுவதை தடுக்க வேண்டும்.

கண்ணன், கல்லனை, மதுரை.