புகாா் பெட்டி

பொதுமக்கள் அச்சம்

சிவகங்கை மாவட்டம் கல்லல் மற்றும் அதன் சுற்றுவட்டார பகுதிகளில் தெருநாய்களின் தொல்லை அதிகரித்து காணப்படுகிறது. இதனால் பொதுமக்கள் இரவு நேரங்களில் வெளியே செல்ல மிகவும் அச்சப்படுகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

சுப்பிரமணியன், கல்லல்.

கூடுதல் பஸ்கள் இயக்கப்படுமா?

சிவகங்கை மாவட்டம் திருப்புவனத்திற்கு மதுரையிலிருந்து போதிய பஸ்கள் இயக்கப்படவில்லை. இதனால் இப்பகுதிக்கு செல்லும் பயணிகள் நீண்ட நேரம் காத்திருந்து செல்ல வேண்டிய நிலை உள்ளது. எனவே கூடுதல் பஸ்கள் இயக்க நடவடிக்கை எடுக்க வேண்டும்.

ராஜன், திருப்புவனம்.

குரங்குகளால் அவதி

சிவகங்கை மாவட்டம் சிங்கம்புணரி தாலுகா எஸ்.புதூர் கிராமத்தில் குரங்குகள் அதிகமாக சுற்றி திரிகிறது. இதனால் இப்பகுதி மக்கள் மிகவும் அவதிப்படுகின்றனர். இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

பொதுமக்கள், எஸ்.புதூர்.

சேதமடைந்த சாலை

சிவகங்கை மாவட்டம் இளையான்குடி மற்றும் அதன் சுற்றுப்புற கிராமங்களுக்கு செல்லும் சாலைகள் சில இடங்களில் சேதமடைந்து குண்டும், குழியுமாக காட்சியளிக்கிறது. இந்த சாலைகளை சீரமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும்.

பொதுமக்கள், இளையான்குடி, சிவகங்கை

கருவேல மரங்கள் அகற்றப்படுமா?

சிவகங்கை மாவட்டத்தில் உள்ள பல்வேறு கண்மாய் பகுதிகளில் கருவேல மரங்கள் அதிக அளவில் வளர்ந்து ஆக்கிரமித்துள்ளன. இதனால் கண்மாயில் நீரை சேமித்து வைக்க முடியாத நிலை உள்ளது. எனவே கருவேல மரங்களை அகற்ற நடவடிக்கை எடுக்க வேண்டும்.

பொதுமக்கள், சிவகங்கை.