புகார் பெட்டி

கொசுத்தொல்லை

சிவகங்கை மாவட்டம் சிங்கம்புணரியில் சில இடங்களில் கழிவுநீர் கால்வாய் திறந்த நிலையில் இருப்பதால் அதிலிருந்து கொசுக்கள் உற்பத்தியாகிறது. கொசுத்தொல்லையால் பொதுமக்கள் மிகவும் சிரமப்படுகின்றனர். இதனால் கொசுக்களால் டெங்கு உள்ளிட்ட நோய்கள் பரவும் வாய்ப்புள்ளது. எனவே கொசுக்களை ஒழிக்க நடவடிக்கை எடுக்கப்படுமா?

மாரிமுத்து, சிங்கம்புணரி.

மாணவர்கள் அவதி

சிவகங்கை மாவட்டம் கல்லலில் இருந்து சுற்றுப்புற கிராமங்களுக்கு இயக்கப்பட்ட பஸ்கள் கொரோனா காலத்தில் நிறுத்தப்பட்டது. பின்னர் மீண்டும் இந்த பஸ்கள் இயக்கப்படாததால் பள்ளி, கல்லூரி மாணவர்கள் மிகவும் சிரமப்படுகின்றனர். எனவே மாணவர்களின் நலன் கருதி இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

வருண்குமார், கல்லல்.

கூடுதல் பஸ்கள் இயக்கப்படுமா?

சிவகங்கை மாவட்டம் திருப்புவனத்தில் இருந்து மதுரைக்கு செல்ல போதிய அளவு பஸ் வசதி இல்லை. இதனால் பொதுமக்கள் நீண்ட நேரம் பஸ்சிற்காக காத்திருக்க வேண்டிய அவல நிலை உள்ளது. எனவே கூடுதல் பஸ்களை இயக்க சம்பந்தப்பட்ட துறை அதிகாரிகள் நடவடிக்கை எடுப்பார்களா?

கருப்புசாமி, திருப்புவனம்.

நாய்கள் தொல்லை

சிவகங்கை மாவட்டம் தேவகோட்டை நகர் பகுதிகளில் தெருநாய்கள் தொல்லை நாளுக்கு நாள் அதிகரித்து வருகின்றன. தெருவில் சுற்றி திரியும் நாய்கள் சிறுவர்கள் முதல் பெரியவர்கள் வரை கடிக்க துரத்துகின்றன. இதனால் பொதுமக்கள் மிகவும் அச்சப்படுகின்றனர். மேலும் விபத்துக்களும் ஏற்படுகிறது. எனவே நாய்களின் தொல்லையை கட்டுப்படுத்த நடவடிக்கை எடுக்க வேண்டும்.

நடராஜன், தேவகோட்டை.

சாலை சீரமைக்கப்டுமா?

சிவகங்கை மாவட்டம் எஸ்.புதூர் மற்றும் அதன் சுற்றுவட்டார பகுதி சாலைகள் சில இடங்களில் ஆங்காங்கே சேதமடைந்து காணப்படுகிறது. இதனால் வாகன ஓட்டிகள் கடும் சிரமத்திற்கு உள்ளாகி வருகின்றனர். அவ்வப்போது விபத்துக்களிலும் சிக்குகின்றனர். வாகன ஓட்டிகளின் நலன்கருதி இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

பாலாஜி, எஸ்.புதூா்.