புகார் பெட்டி

வாகன ஓட்டிகள் சிரமம்

ராமநாதபுரம் பஸ் நிலையம் பகுதிகளில் சிலர் வாகனங்களை சாலையில் ஆங்காங்கே நிறுத்தி செல்கின்றனர். இதனால் வாகனங்கள் செல்வதில் சிரமம் ஏற்பட்டுள்ளது. எனவே சம்பந்தப்பட்ட துறையினர் சாலையில் வாகனங்கள் நிறுத்துவதை தடுக்க நடவடிக்கை எடுக்க வேண்டும்.

வேலாயுதம், ராமநாதபுரம்.

கொசு தொல்லை

ராமநாதபுரம் மாவட்டம் ஆர்.எஸ்.மங்கலம் பகுதியில் கொசுக்களின் தொல்லை நாளுக்கு நாள் அதிகரித்து வருகிறது. இதனால் சரியான தூக்கமின்றி கர்ப்பிணிகள், முதியோர்கள், மாணவர்கள் அவதியடையும் நிலை உள்ளது. எனவே கொசுமருந்து அடித்து கொசுக்களை கட்டுப்படுத்த நடவடிக்கை எடுக்க வேண்டும்.

சண்முகம், ஆர்.எஸ். மங்கலம்.

கருவேல மரங்கள் ஆக்கிரமிப்பு

ராமநாதபுரம் மாவட்டம் பரமக்குடி சுற்றுப்புற பகுதிகளில் கருவேல மரங்களின் ஆக்கிரமிப்பு அதிக அளவில் வளர்ந்துள்ளன. இந்த கருவேல மரங்களின் ஆக்கிரமிப்பால் நீர் வளம் பாதிப்படையும் நிலை உள்ளது. எனவே சம்பந்தப்பட்ட துறை அதிகாரிகள் கருவேல மரங்களின் ஆக்கிரமிப்பை அகற்ற நடவடிக்கை எடுக்க வேண்டும்.

புகழ், பரமக்குடி.

கட்டுமான பணிகள் முடக்கம்

ராமநாதபுரம் அபிராமம் பகுதிகளில் கட்டுமான பணிக்காக மின்சார தேவைக்கு விண்ணப்பம் செய்து பலமாதங்களாகி மின்மீட்டர் வராமல் உள்ளது. இதனால் கட்டுமான பணியை தொடர முடியாமல் பொதுமக்கள் அவதியடைகின்றனர். எனவே தாமதமின்றி மின்மீட்டரை வினியோகிக்க நடவடிக்கை எடுக்க வேண்டும்.

செல்வம், அபிராமம்.

நடவடிக்கை எடுப்பார்களா?

ராமநாதபுரம் மாவட்டம் ஆர்.எஸ். மங்கலம் ஒன்றியம் திருப்பாலைக்குடி கிழக்கு தெருவில் அங்கன்வாடிமையம் செயல்படுகிறது. இந்த அங்கன்வாடி மையத்திற்கு கூடுதல் சமையல் பணியாளர்களை நியமிக்க வேண்டும். மேலும் சாலையோரம் அங்கன்வாடி மையம் செயல்படுவதால் குழந்தைகளின் பெற்றோர் அச்சம் அடைகின்றனர். எனவே இதற்கு அதிகாரிகள் நடவடிக்கை எடுக்க வேண்டும்.

மெகருன்நிஷா, திருப்பாலைக்குடி.