புகார் பெட்டி

அடிப்படை வசதி வேண்டும்

சிவகங்கை மாவட்டம் காரைக்குடி 1-வது வார்டு மருதுபாண்டியர் தெருவில் 40-க்கும் மேற்பட்ட வீடுகள் உள்ளன. ஆனால் இந்த தெருவில் தெரு விளக்கு மற்றும் சாலை வசதி போன்ற அடிப்படை வசதிகள் இல்லை. இதனால் இப்பகுதி பொதுமக்கள் மிகவும் சிரமப்படுகிறார்கள். எனவே அடிப்படை வசதிகள் ஏற்படுத்தி தர சம்பந்தப்பட்ட அதிகாரிகள் நடவடிக்கை எடுக்க வேண்டும்.

பாலா, காரைக்குடி.

கூடுதல் பஸ் வசதி தேவை

சிவகங்கை மாவட்டம் காரைக்குடியில் இருந்து மதுரை, விருதுநகர், ராமநாதபுரம் போன்ற பகுதிகளுக்கு செல்ல இரவு நேரங்களில் போதிய அளவு பஸ்கள் இல்லை. இதனால் பயணிகள் இரவு நேரங்களில் நீண்ட நேரம் காத்திருந்து பயணிக்க வேண்டிய நிலை உள்ளது. எனவே இதுகுறித்து அதிகாரிகள் நடவடிக்கை எடுக்க வேண்டும்.

முத்துவேல், காரைக்குடி.

சுகாதார சீர்கேடு

சிவகங்கை மாவட்டம் தேவகோட்டை 21-வது வார்டு மேல பஜார் ரோடு பகுதியில் சிலர் குப்பைகளை கொட்டிகின்றனர். இதனால் அப்பகுதியில் சுகாதார சீர்கேடாக உள்ளது. எனவே இங்கு குப்பைகள் கொட்டுவதை தடுக்க அதிகாரிகள் நடவடிக்கை எடுக்க வேண்டும்.

அஜீஸ் கான், தேவகோட்டை.

பொதுமக்கள் அவதி

சிவகங்கை மாவட்டம் சிங்கம்புணரி, எஸ்.புதூர் மற்றும் அதன் சுற்றுவட்டார பகுதிகளில் குரங்குகள் தொல்லை உள்ளது. இதனால் பொதுமக்கள் மிகவும் அவதிப்படுகின்றனர். மேலும் காட்டுப்பகுதியில் மான்கள் போன்ற் காட்டுவிலங்குகளும் தண்ணீர் தேடி வருவதால் விபத்துக்கள் ஏற்பட்டு உயிரிழக்கின்றன. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

முத்துவேல், சிங்கம்புணரி.

வாகன ஓட்டிகள் அவதி

சிவகங்கை மாவட்டம் காளையார்கோவில் மற்றும் அதன் சுற்றுப்புற பகுதி சாலைகளில் சில இடங்கள் சேதமடைந்து காணப்படுகிறது இதனால் வாகன ஓட்டிகள் சிரமப்படுவதுடன் விபத்திலும் சிக்குகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும்.

சிதம்பரம், காளையார்கோவில்.