சப்-இன்ஸ்பெக்டருடன் வீடியோ காலில் பேசுவதாக புகார்

வேலூர் ரங்காபுரத்தை சேர்ந்த ஒருவர் வேலூர் போலீஸ் சூப்பிரண்டு அலுவலகத்தில் புகார் மனு அளித்துள்ளார். அதில், நான் ராணுவத்தில் பணிபுரிந்து தற்போது வேலூரில் உள்ள தனியார் மருத்துவமனையில் காவலாளியாக பணியாற்றுகிறேன். கடந்த 2012-ம் ஆண்டு எனக்கு காதல் திருமணம் நடைபெற்றது. 2 பெண் குழந்தைகள் உள்ளனர். எனது மனைவி தற்போது வேலூரில் உள்ள போலீஸ் நிலையம் ஒன்றில் முதல்நிலை காவலராக பணிபுரிகிறார். கடந்த சில ஆண்டுகளாக மனைவி வீட்டில் நான் இல்லாத நேரத்தில் சப்-இன்ஸ்பெக்டர் ஒருவருடன் வீடியோ காலில் பேசுகிறார். இதனை கண்டித்தும் அவர் தொடர்ந்து பேசி வருகிறார். இதுதொடர்பாக சப்-இன்ஸ்பெக்டரிடம் கேட்ட போது உன்னால் முடிந்ததை பார்த்து கொள். நான் வீடியோ காலில் தொடர்ந்து பேசுவேன் என்று கூறுகிறார். இதன்காரணமாக மிகுந்த மனஉளைச்சலுக்கு உள்ளாகி சரியாக வேலை பார்க்க முடியவில்லை. 2 முறை தற்கொலைக்கு முயன்றுள்ளேன். எனவே மனைவியுடன் வாழ விரும்பில்லை. 2 குழந்தைகளையும் மீட்டுத்தர வேண்டும் என்று கூறியிருந்தார்.