மணிப்பூர் சம்பவத்தை கண்டித்துகிறிஸ்தவ இயக்கத்தினர் ஆர்ப்பாட்டம்

கிறிஸ்தவ நல்லெண்ண இயக்கம் சார்பில், தேனி பங்களாமேட்டில் நேற்று மாலை ஆர்ப்பாட்டம் நடந்தது. ஆர்ப்பாட்டத்துக்கு மண்டல செயலாளர் இன்னாசிமுத்து தலைமை தாங்கி பேசினார். மாவட்ட செயலாளர் கிறிஸ்டோபர் மற்றும் நிர்வாகிகள் பலர் கலந்துகொண்டு பேசினர். ஆர்ப்பாட்டத்தின் போது மணிப்பூர் சம்பவத்தை கண்டித்தும், அம்மாநில அரசு மற்றும் மத்திய அரசை கண்டித்தும் கோஷங்களை எழுப்பினர். இதில் மாவட்டத்தின் பல்வேறு பகுதிகளில் இருந்தும் நிர்வாகிகள், உறுப்பினர்கள் பலர் கலந்துகொண்டனர்.