ரெயிலில் கடத்திய ரேஷன் அரிசி பறிமுதல்

ஜோலார்பேட்டை ரெயில் நிலையத்தில் ரெயில்வே பாதுகாப்பு படை போலீஸ் இன்ஸ்பெக்டர் மணிமாறன் தலைமையில், சப்-இன்ஸ்பெக்டர் அசோக்குமார் மற்றும் போலீசார் பிளாட்பாரங்களிலும், ெரயில்களிலும் சோதனை நடத்தினர். அப்போது சென்னையில் இருந்து கர்நாடக மாநிலம் பெங்களூரு செல்லும் லால்பாக் எக்ஸ்பிரஸ் ெரயிலில் ரேஷன் அரிசி கடத்த இருப்பதாக வந்த தகவலின் பேரில் சோதனை மேற்கொண்டனர்.

அப்போது இருக்கையின் அடியிலும், கழிவறை பகுதியிலும் சிறிய மூட்டைகளாக 45 மூட்டைகளில் 40 கிலோ விதம் 1,800 கிலோ ரேஷன் அரிசி இருந்தது தெரியவந்தது.

இதனையடுத்து ெரயில்வே பாதுகாப்பு படை போலீசார் 45 மூட்டைகளில் உள்ள ரேஷன் அரிசியை பறிமுதல் செய்து திருப்பத்தூர் பறக்கும் படை தாசில்தார் சிவப்பிரகாசத்திடம் ஒப்படைத்தனர்.