மான் கறி பறிமுதல்; வாலிபர் கைது

ராஜபாளையம்,

ராஜபாளையம் மேற்கு தொடர்ச்சி மலை அடிவாரத்தில் அமைந்துள்ள வனப்பகுதியில் சிலர் விலங்குகளை வேட்டையாடுவதாக வனத்துறையினருக்கு தகவல் கிடைத்தது. அதன்பேரில் வனச்சரக அலுவலர் சக்திபிரசாத் கதிர்காமன் உத்தரவின் பேரில் வனவர் இளவரசன் தலைமையில் 8 பேர் கொண்ட குழுவினர் ரோந்து பணியில் ஈடுபட்டனர். அப்போது புல்லுபத்தி பீட் பகுதியில் மான் வேட்டையாடப்பட்டது தெரியவந்தது. இதுகுறித்து நடத்திய விசாரணையில் சுந்தரராஜபுரம் மாசானம் கோவில் தெருவை சேர்ந்த மாரிமுத்து (வயது 28) உள்பட 2 பேர் சேர்ந்து புள்ளிமானை வேட்டையாடியதும், பின்னர் மாரிமுத்து வீட்டில் வைத்து மானை சமைத்ததும் தெரியவந்தது. இதையடுத்து சம்பவ இடத்திற்கு சென்ற வனத்துறையினர் 2 கிேலா மான்கறிகள், வேட்டைக்கு பயன்படுத்தப்பட்ட விளக்குகள் ஆகியவற்றை பறிமுதல் செய்தனர். வனத்துறையினரை பார்த்ததும் ஒருவர் தப்பி ஓடிவிட்டார். அங்கிருந்த மாரிமுத்துவை கைது செய்து தொடர்ந்து விசாரணை நடத்தி வருகின்றனர்.