சேலம் மாவட்டத்தில் 62 பேருக்கு கொரோனா

சேலம்:

சேலம் மாவட்டத்தில் நேற்று முன்தினம் 68 பேர் கொரோனாவுக்கு பாதிக்கப்பட்டனர். நேற்று புதிதாக 62 பேருக்கு கொரோனா பாதிப்பு இருப்பது பரிசோதனையில் உறுதி செய்யப்பட்டது. இவர்கள் ஆஸ்பத்திரியில் அனுமதிக்கப்பட்டு சிகிச்சை பெற்று வருகின்றனர். அதேசமயம், நோய் தொற்றுக்கு சிகிச்சை பெற்று வந்த 79 பேர் குணமடைந்துவிட்டதால் நேற்று அவர்கள் டிஸ்சார்ஜ் செய்யப்பட்டனர். இதனால் மாவட்டத்தில் 475 பேர் மட்டும் கொரோனாவுக்கு தொடர்ந்து சிகிச்சை பெற்று வருகின்றனர்.