பாபநாசம் ஒழுங்குமுறை விற்பனை கூடத்தில் பருத்தி ஏலம்

பாபநாசம்:

பாபநாசம் ஒழுங்கு முறை விற்பனை கூடத்தில் பருத்தி ஏலம் நடைபெற்றது. அதிகபட்சமாக குவிண்டால் ரூ.9,719-க்கு விலைபோனது.

பருத்தி ஏலம்

தஞ்சை விற்பனைக்குழு, விளம்பரம் மற்றும் பிரசாரம் கண்காணிப்பாளர் சித்தார்த்தன் தலைமையிலும், தஞ்சை விற்பனைக்கூட கண்காணிப்பாளர் முருகானந்தம், பாபநாசம் ஒழுங்குமுறை விற்பனைக்கூட கண்காணிப்பாளர் தாட்சாயினி, மேற்பார்வையாளர் அன்பழகன் ஆகியோர் முன்னிலையில் பருத்தி ஏலம் நடைபெற்றது.

ரூ.9,719-க்கு விலைபோனது

இதில் கும்பகோணம், பண்ருட்டி, திருப்பூர், தேனி மற்றும் செம்பனார்கோவில், குன்னூர், தெலுங்கானாவை சேர்ந்த 11 வியாபாரிகள் கலந்து கொண்டனர்.

ஏலத்தில் குவிண்டால் அதிகபட்சமாக ரூ.9,719-க்கும், குறைந்தபட்சமாக ரூ.8149-க்கும் விலைபோனது.