ரூ.25 லட்சத்துக்கு பருத்தி ஏலம்

பாபநாசம் ஒழுங்குமுறை விற்பனை கூடத்தில், விற்பனை கூட கண்காணிப்பாளர் தாட்சாயினி முன்னிலையில் பருத்தி ஏலம் நடைபெற்றது. ஏலத்திற்கு 300 குவிண்டால் பருத்தி, விவசாயிகளால் கொண்டு வரப்பட்டிருந்தது. கும்பகோணம், பண்ருட்டி, திருப்பூர் மற்றும் செம்பனார்கோவிலை சேர்ந்த 6 வியாபாரிகள் ஏலத்தில் கலந்து கொண்டனர். அதிகபட்சமாக குவிண்டாலுக்கு ரூ.10,200-ம், குறைந்தபட்சமாக குவிண்டாலுக்கு ரூ.6,799-ம், சராசரியாக குவிண்டாலுக்கு ரூ.8,269-ம் ஏலம் கேட்கப்பட்டிருந்தது. மொத்தம் ரூ.24 லட்சத்து 80 ஆயிரத்திற்கு பருத்தி ஏலம் போனது.