ரூ.25 லட்சத்துக்கு மாடுகள் விற்பனை

பழையகோட்டை மாட்டுத்தாவணியில் ரூ.25 லட்சத்திற்கு மாடுகள் விற்பனை செய்யப்பட்டது.

மாட்டுத்தாவணி

நத்தக்காடையூர் அருகே உள்ள பழையகோட்டை மாட்டுத்தாவணியில் உலகிலேயே வீரத்திற்கும், கம்பீரத்திற்கும் புகழ் பெற்ற மாட்டுச் சந்தை வாரந்தோறும் ஞாயிற்றுக்கிழமை நடைபெற்று வருகிறது.

அதன்படி நேற்று நடைபெற்ற சந்தையில் திருப்பூர், ஈரோடு, கரூர், நாமக்கல், கோவை, திருச்சி, திண்டுக்கல் மாவட்டங்களை சேர்ந்த காங்கயம் இன காளைகள் வளர்ப்போர், நாட்டு மாடுகளை வளர்க்கும் விவசாயிகள், காங்கயம் இன காளை பராமரிப்பு விருத்தியாளர்கள், காங்கயம் இன பெரிய பூச்சி காளைகள், இளம் பூச்சி காளைகள், செவலை பசுமாடுகள், மயிலை பூச்சி காளைகள், மயிலை பசுமாடுகள், மயிலை கிடாரிகள், காராம்பசு கிடாரி கன்றுகள் என விற்பனைக்கு கொண்டு வந்திருந்தனர்.

சந்தையில் விற்பனைக்காக கொண்டு வரப்பட்ட மொத்தம் 116 மாடுகளில் 65 மாடுகள் ரூ.25 லட்சத்துக்கு விற்பனை செய்யப்பட்டது.

செவலை காளை

சந்தையில் அதிகபட்சமாக 2 பல் கொண்ட செவலை காளை கன்றுடன் மயிலை பசு ரூ.85 ஆயிரத்திற்கு விற்பனை செய்யப்பட்டது.