மகேந்திரகிரி இஸ்ரோ மையத்தில் கிரையோஜெனிக் என்ஜின் பரிசோதனை

பணகுடி:

பணகுடி அருகே மகேந்திரகிரி இஸ்ரோ மையத்தில் கிரையோஜெனிக் என்ஜின் பரிசோதனை வெற்றிகரமாக நடந்தது.

விண்வெளி ஆராய்ச்சி மையம்

நெல்லை மாவட்டம் பணகுடி அருகே மேற்கு தொடர்ச்சி மலைப்பகுதியை ஒட்டி மகேந்திரகிரியில் இஸ்ேரா விண்வெளி ஆராய்ச்சி மையம் அமைந்துள்ளது. இங்கு ராக்கெட்டில் பயன்படுத்தப்படும் கிரையோஜெனிக் என்ஜின்களின் சோதனை நடைபெறுகிறது.

இங்கு ககன்யான் திட்டத்திற்காக அதாவது, விண்வெளிக்கு மனிதர்களை அனுப்பும் திட்டத்திற்கு ராக்கெட்டில் பயன்படுத்தப்படும் கிரையோஜெனிக் என்ஜின் பரிசோதனை பல்வேறு கட்டங்களாக நடத்தப்பட்டு வருகிறது.

என்ஜின் பரிசோதனை

இந்த நிலையில் மகேந்திரகிரி இஸ்ரோ விண்வெளி ஆராய்ச்சி மையத்தில் கிரையோஜெனிக் என்ஜின் சி.20, இ11, எம்.கே.111 பரிசோதனை நேற்று முன்தினம் நடைபெற்றது. சுமார் 25 வினாடிகள் நீடித்த இந்த பரிசோதனை வெற்றிகரமாக நடந்து முடிந்ததாக இஸ்ரோ விஞ்ஞானிகள் தரப்பில் தெரிவிக்கப்பட்டுள்ளது. இந்த பரிசோதனையானது மகேந்திரகிரி விண்வெளி ஆராய்ச்சி மைய வளாக இயக்குனர் பத்ரி நாராயணமூர்த்தி மற்றும் இஸ்ரோ விஞ்ஞானிகள் முன்னிலையில் நடைபெற்றது.