தினத்தந்தி புகார் பெட்டி

தேங்கி நிற்கும் மழைநீர்

பெரம்பலூர் மாவட்டம், வேப்பூர் ஒன்றியம், பேரளி கிராமத்தில் உள்ள அரசு மேல்நிலைப் பள்ளி உள்ளது. இந்த பள்ளி மைதானத்தில் மழைக்காலங்களில் மழைநீர் குளம்போல் தேங்கி நிற்கிறது. இதனால் மாணவ-மாணவிகள் அந்த மைதானத்தை பயன்படுத்த முடியவில்லை. எனவே மழைநீர் தேங்கி நிற்காமல் இருக்க வழிவகை செய்ய வேண்டும் என வாகன ஓட்டிகள், சமூக ஆர்வலர்கள் கோரிக்கை விடுத்துள்ளனர்.

பொதுமக்கள், பேரளி.

பஸ் நிலையத்தில் மின் விளக்குகள் சரியாக எரியவில்லை

பெரம்பலூர் புதிய பஸ் நிலையத்தில் மின் விளக்குகளில் சிலவை சரியாக எரியாததால் பயணிகள் மிகுந்த சிரமத்துக்கு ஆளாகி வருகின்றனர். எனவே சம்பந்தப்பட்ட அதிகாரிகள் பஸ் நிலையத்தில் மின் விளக்குகள் சரியாக எரிய வைக்க நடவடிக்கை எடுக்க வேண்டும்.

பொதுமக்கள், பெரம்பலூர்

தகனமேடை வேண்டும்

பெரம்பலூர் மாவட்டம், ஆலத்தூர் வட்டம், மேலமாத்தூர் கிராமத்தில் ஏராளமான பொதுமக்கள் வசித்து வருகின்றனர். இங்கு யாரேனும் இறந்தால் அப்பகுதியில் உள்ள மயானத்திற்கு கொண்டு சென்று அடக்கம் செய்யப்பட்டு வருகிறது. மேலும், இங்கு தகனமேடை இல்லாததால் மழை காலங்களில் மிகவும் சிரமம் அடைந்து வருகின்றனர். எனவே சம்பந்தப்பட்ட அதிகாரிகள் உடனடியாக தகனமேடை அமைத்து தர நடவடிக்கை எடுக்க வேண்டும் என கேட்டுக் கொள்கிறோம்.

பிரபாகரன், மேலமாத்தூர்.

குப்பைகளை முறையாக அள்ள வேண்டும்

பெரம்பலூர் நகரப்பகுதியில் ஆங்காங்கே சேகரிக்கப்படும் குப்பைகள் சாலையோரம் குவித்து வைக்கப்பட்டுள்ளது. அந்த இடத்தில் குப்பைகள் முறையாக அள்ளப்படாததால் தற்போது மலை போல் குவிய தொடங்கி உள்ளது. இதனால் தூர்நாற்றம் வீசுவதோடு, சுகாதார சீர்கேடு ஏற்படுகிறது. எனவே சம்பந்தப்பட்ட அதிகாரிகள் குப்பைகளை முறையாக அள்ள நடவடிக்கை எடுக்க வேண்டுகிறோம்.

பொதுமக்கள், பெரம்பலூர்.