மாணவிகளுக்கான பரதநாட்டியம் நடன தேர்வு

திருப்பூர் பிரண்ட்லைன் மில்லினியம் பள்ளியும், திருச்சி கலை காவேரி நுண்கலைக் கல்லூரியும் இணைந்து மாணவர்களிடையே பல்வேறு நுண்கலைகளை நான்காண்டு பாடத்திட்டம் கொண்ட வகுப்புகளாக கற்றுக் கொடுத்து வருகின்றனர். அந்த வகையில் பரதநாட்டிய கலையை ஒரு வருடமாக கற்று தேர்வுக்கு தயாரான மாணவர்களுக்கு முதலாம் ஆண்டு நடனத் தேர்வு நடத்தப்பட்டது.

இத்தேர்வில் கண்காணிப்பாளராக பொள்ளாச்சியை சேர்ந்த நடனப்பள்ளி ஆசிரியர் வல்சா மற்றும் கலை காவேரி கல்லூரியின் துணை பொறுப்பாளர் ஜெயராம் கலந்து கொண்டார். இத்தேர்வில் மாணவிகள் சிறப்பாக பரதநாட்டியம் ஆடினர். பரதநாட்டியத்தை ஆர்வத்துடன் கற்று முதலாம் ஆண்டு தேர்வினை சிறப்பாக முடித்த மாணவர்களையும் அதற்கு ஒத்துமையாக இருந்த நடன ஆசிரியை டெல்லாவையும்,, பள்ளியின் தாளாளர் சிவசாமி, செயலாளர் சிவகாமி, இயக்குனர் சக்தி நந்தன், துணைச் செயலாளர் வைஷ்ணவி நந்தன், மற்றும் முதல்வர் லாவண்யா ஆகியோர் பாராட்டினர்.