விவசாயி மர்ம சாவு

பாப்பாரப்பட்டி:

பாப்பாரப்பட்டி அருகே உள்ள சிட்லகாரம்பட்டி கிராமத்தை சேர்ந்தவர் சிலம்பரசன் (வயது 34). விவசாயி. நேற்று இவர் தனது விவசாய நிலம் அருகே மயங்கி கிடந்தார். அவரை உறவினர்கள் மீட்டு தர்மபுரி அரசு ஆஸ்பத்திரிக்கு கொண்டு சென்றனர். பின்னர் அங்கிருந்து தனியார் அஸ்பத்திரிக்கு கொண்டு செல்லும் வழியில் இறந்தார். இதுகுறித்து பாப்பாரப்பட்டி போலீசார் மர்ம சாவு என வழக்குப்பதிவு செய்து விசாரித்து வருகிறார்கள். மேலும் சிலம்பரசனுக்கும், அவருடைய உறவினர் ஒருவருக்கும் இடையே நிலத்தகராறு இருந்து வந்ததால், அவர் கொலை செய்யப்பட்டாரா? என்ற கோணத்திலும் விசாரித்து வருகிறார்கள்.