ஊத்தங்கரை அருகேகுட்கா கடத்தி சென்ற கார் மோதி வாலிபர் சாவு

ஊத்தங்கரை

பெங்களூருவில் இருந்து நேற்று முன்தினம் இரவு கார் ஒன்று ஊத்தங்கரை வழியாக வந்தது. அப்போது படதாசம்பட்டியை சேர்ந்த தீபன் (வயது28) என்பவர் மோட்டார் சைக்கிளில் எதிரே வந்து கொண்டு இருந்தார். தனியார் பள்ளி அருகே வந்தபோது கார், மோட்டார் சைக்கிள் மீது மோதியது. இந்த விபத்தில் தீபன் சம்பவ இடத்திலேயே உயிரிழந்தார். இதையடுத்து கார் டிரைவர் அங்கிருந்து தப்பியோடி விட்டார். விபத்து குறித்து தகவல் அறிந்து வந்த ஊத்தங்கரை போலீசார் காரை சோதனை செய்தனர். அதில் 30 மூட்டை குட்கா கடத்தி வந்தது தெரியவந்தது. இதையடுத்து போலீசார் கார் மற்றும் குட்காவை பறிமுதல் செய்தனர். மேலும் விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.