தேன்கனிக்கோட்டை அருகேமோட்டார் சைக்கிள் மோதி தனியார் நிறுவன ஊழியர் பலி

தேன்கனிக்கோட்டை

தேன்கனிக்கோட்டை அருகே உள்ள என்.உச்சனப்பள்ளி கிராமத்தை சேர்ந்தவர் மாதேஷ் (வயது 39). தனியார் நிறுவன ஊழியர். இவர் நேற்று முன்தினம் தேன்கனிக்கோட்டையில் இருந்து அஞ்செட்டி சாலையில் மோட்டார் சைக்கிளில் சென்றார். அப்போது அந்த வழியாக வந்த மற்றொரு மோட்டார் சைக்கிள் மாதேஷ் சென்ற மோட்டார் சைக்கிள் மீது மோதியது. இந்த விபத்தில் மாதேஸ் படுகாயமடைந்தார். மற்றொரு மோட்டார் சைக்கிளில் வந்தவர் லேசான காயம் அடைந்தார். இதையடுத்து அக்கம் பக்கத்தினர் மாதேசை மீட்டு தேன்கனிக்கோட்டை அரசு மருத்துவமனைக்கு அனுப்பி வைத்தனர். ஆனால் சிகிச்சை பலனின்றி அவர் பரிதாபமாக உயிரிழந்தார். இந்த விபத்து குறித்து தேன்கனிக்கோட்டை போலீசார் வழக்குப்பதிவு செய்து விசாரணை நடத்தி வருகின்றனர்.