மொபட் மீது மோட்டார்சைக்கிள் மோதி விவசாயி பலி

ஊத்தங்கரை:

ஊத்தங்கரை தாலுகா சாலமரத்துப்பட்டி அருகே ஓலைப்பட்டி அடுத்த சூளைமேடு கிராமத்தை சேர்ந்தவர் சீனிவாசன் (வயது 74). விவசாயி. இவர் மொபட்டில் ஓலைப்பட்டி- ஊத்தங்கரை சாலையில் கடந்த 24-ந் தேதி சென்று கொண்டிருந்தார். அப்போது அந்த வழியாக மோட்டார் சைக்கிளில் வந்த நபர் முதியவர் ஓட்டி சென்ற மொபட் மீது மோதினார். இதில் பலத்த காயம் அடைந்த சீனிவாசனை அருகில் இருந்தவர்கள் மீட்டு சிகிச்சைக்காக போச்சம்பள்ளி அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக கிருஷ்ணகிரி அரசு மருத்துவக்கல்லூரி மருத்துவமனையில் அனுமதிக்கப்பட்ட அவர் சிகிச்சை பலனின்றி இறந்தார். இதுகுறித்து கல்லாவி போலீசார் விசாரணை நடத்தி வருகிறார்கள்.