மின்னல் தாக்கி டிரைவர் பலி

உசிலம்பட்டி,

உசிலம்பட்டி அருகே உள்ளது சொக்கத்தேவன்பட்டி.இந்த ஊரைச் சேர்ந்த பாண்டி மகன் ராகுல் (வயது34). இவர் வேன் டிரைவர்.இந்த பகுதியில் நேற்று மாலை இடி மின்னனலுடன் மழை பெய்தது. அப்போது சொக்கத்தேவன் பட்டியில் இருந்து வின்னகுடிக்கு செல்லும் சாலையில் உள்ள பால்ராஜ் என்பவர் தோட்டத்தின் அருகில் ராகுல் நடந்து சென்று கொண்டிருந்தார். அப்போது மின்னல் தாக்கியதில் ராகுல் சம்பவ இடத்திலேயே உடல் கருகி பலியாகினர். மேலும் அருகில் உள்ள தென்னை மரத்திலும் மின்னல் தாக்கி தீப்பற்றி எரிந்த்து. இதுகுறித்து தகவல் அறிந்த வாலாந்தூர் போலீசார் உடலை கைப்பற்றி உசிலம்பட்டி அரசு மருத்துவமனைக்கு அனுப்பி வைத்து வழக்கு பதிவு செய்து விசாரணை செய்து வருகின்றனர்.