காவேரிப்பட்டணம் அருகே மோட்டார்சைக்கிள் மீது கார் மோதி வாலிபர் சாவு

காவேரிப்பட்டணம்:

கிருஷ்ணகிரி அருகே உள்ள சின்னதளிஅள்ளியை சேர்ந்தவர் ஜீவா (வயது 21). அய்யன்பள்ளத்தை சேர்ந்தவர் மேகநாதன் (23). இவர்கள் 2 பேரும் மோட்டார்சைக்கிளில் காவேரிப்பட்டணம் அருகே சென்று கொண்டு இருந்தனர். அப்போது அந்த வழியாக வந்த கார், மோட்டார்சைக்கிள் மீது மோதியது. இதில் ஜீவா, மேகநாதன் ஆகியோர் படுகாயம் அடைந்தனர். இதையடுத்து அக்கம் பக்கத்தினர் அவர்களை மீட்டு சிகிச்சைக்காக கிருஷ்ணகிரி அரசு ஆஸ்பத்திரியில் சேர்த்தனர். அங்கு சிகிச்சை பலனின்றி ஜீவா பரிதாபமாக இறந்தார். மேகநாதன் தொடர்ந்து சிகிச்சை பெற்று வருகிறார். இந்த விபத்து குறித்து காவேரிப்பட்டணம் போலீசார் வழக்குப்பதிவு செய்து விசாரணை நடத்தி வருகிறார்கள்.