மோட்டார் சைக்கிள் மரத்தில் மோதி ஓட்டல் ஊழியர் சாவு

தர்மபுரி:

தர்மபுரி மாவட்டம் முருக்கம்பட்டி பகுதியை சேர்ந்தவர் பழனி (வயது 32). ஓட்டல் ஊழியர். இவருக்கு திருமணமாகி மனைவியும், 2 குழந்தைகளும் உள்ளனர். இந்த நிலையில் பணியை முடித்துவிட்டு நள்ளிரவில் தர்மபுரியில் இருந்து மோட்டார் சைக்கிளில் பழனி வீட்டுக்கு சென்றவர் நீண்ட நேரம் ஆகியும் வீட்டிற்கு செல்லவில்லை. இதனால் அதிர்ச்சி அடைந்த குடும்பத்தினர் அவரை தேடி சென்றனர். அப்போது பி.மோட்டுப்பட்டி பகுதியில் சாலையோர மரத்தின் மீது மோட்டார் சைக்கிள் மோதி பழனி இறந்து கிடப்பது தெரிய வந்தது. இது பற்றி தகவல் அறிந்த கிருஷ்ணாபுரம் போலீசார் அங்கு சென்று விசாரணை நடத்தினார்கள். மோட்டார் சைக்கிள் மரத்தில் மோதியதில் அவர் இறந்திருப்பது தெரியவந்தது. இந்த விபத்து போலீசார் வழக்குப்பதிவு செய்து விசாரணை நடத்தி வருகிறார்கள்.